Foto: Efl.com

Sinoć je odigrano 14. kolo u Ligi 1. Lider je i dalje ekipa Plimuta a sigurne pobjede ostvarili su i Sanderlend te Ipsvič dok su Vigan i Portsmut neugodno razočarali.

Plimut je na svom terenu savladao Bolton sa 3-0. Već u prvom poluvremenu bilo je jasno da se Boltonu ne piše dobro jer su domaći vodili golovima Geloveja i Grenta. U nastavku, Braun je samo potvrdio pobjedu Plimuta.

Sanderlend je sa 4-0 savladao Kru u gostima. Poveli su gosti autogolom Tomasa a potom je pogodio i Stjuart. U nastavku, Stjuart je ponovo pogodio a konačan rezultat postavio je Dajaku. Istim rezultatom Ipsvič je deklasirao Portsmut u gostima. Poveli su ''Traktoristi'' golom Bouna. U nastavku, potpuno su potopili domaće te su golovima Čeplina, Alaka i Burnsa došli do ubjedljive pobjede.

Vigan je na svom terenu poražen od MK Donsa. Poveli su domaći golom Vajka ali su golom Kiose i autogolom Darinkve gosti do odmora došli do preokreta i ispostaviće se pobjede. Nakon serije loših rezultata, Barton Džimi Flojd Haselbenka ponovo hvata ritam. Oni su upisali drugu vezanu pobjedu jer su golom O'Konora savladali Flitvud sa 1-0 u gostima.

Na tabeli je prvi Plimut sa 29 bodova dok Sanderlend ima bod manje i dva meča manje. Treći je Vikomb sa 27 bodova i mečom manje u odnosu na Plimut. Na dnu su Šruzberi sa 11, Čarlton sa devet, Kru sa osam i Donkaster sa sedam bodova.