Foto: Brighton

Fudbaleri Brajtona savladali su Arsenal sa 2-1 u 30. kolu Premijer lige.

Arsenal je igrao odlično u prvom poluvremenu. Redale su se šanse ali gola nije bilo. Obamejang je imao šanse, Lakazetov udarac odbranio je Rajan a Saka je pogodio prečku. Neshvatljivim suđenjem Martina Etkinsona, došlo je do teške povrede golmana Arsenala, Lena. Prvo lakat koji je dobio Saka nije okarakterisan ni kao žuti karton a samo minut kasnije Mopej neoprezno ulazi u Lena i povređuje ga. Nije dobio ni žuti a djeluje da je stradala noga Nijemcu.

U nastavku susreta Arsenal je nastavio sa boljom igrom. Konačno su je krunisali vodstvom a strijelac je bio Nikola Pepe. Ipak, Arsenal ne bi bio Arsenal kada ne bi prosuo prednost. Prvo je Dank pogodio za 1-1 da bi u petoj minuti nadoknade, Nil Mopaj pogodio za 2-1 i veliku pobjedu ekipe Grema Potera.

Brajton je po drugi put u sezoni dobio Arsenala i opstanak im je sad na dohvat ruke. Arsenal se sada i definitivno oprostio od ulaska u Ligu Šampiona.