Foto: NBA.com

Kobi Brajant nas je nažalost prerano napustio. O Kobiju postoje brojne priče, neke istinite a neke ne. U narednom periodu donosićemo vam s vremena na vrijeme tekstove i priče vezane za legendarnu Crnu Mambu.

Kobi je bio veliki profesionalac tokom cijele karijere. Radio je naporno i bio je izuzetno posvećen košarci. Izlazio je rijetko pa gotovo nikad. Alkohol nije konzumirao i mrzio je kada vidi saigrače kako piju i mamuraju.

Na jedan trening Luk Volton došao je pijan. Kobi je to uvidio i odlučio je da ga kazni. Igralo se ''pet na pet'' a Kobi je naredio ostalim igračima da ga mora čuvati Volton i to sam bez pomoći. 

Kobi je ''sasuo'' Voltonu preko 50 poena na tom treningu. Saigrači su poslije pričali da Kobija nikada nisu vidjeli toliko bijesnog na nekom treningu, kao tada kada je dao Voltonu jednu važnu životnu lekciju a to je da sport i alkohol ne idu zajedno.