Kobi Brajant nas je nažalost prerano napustio. O Kobiju postoje brojne priče, neke istinite a neke ne. U narednom periodu donosićemo vam s vremena na vrijeme tekstove i priče vezane za legendarnu Crnu Mambu.

Foto: NBA

Jedna priča stara je skoro 25 godina. Tada je internet bio tek u nastajanju. Malena Ejmi Piler zaspala je prije kraja utakmice Niksa. Djevojčica koja je imala tada deset godina, probala je narednog dana saznati rezultat.

Prišla je u metrou dvojici mladića koji su imali novine i zamolila ih je da joj pozajme da pregleda sportske informacije. Jedan od tih mladića bio je Kobi Brajant.

Kobi je tom prilikom pitao djevojčiću da li sportisti trebaju ići na koledž prije početka profesionalne karijere ? Malena Ejmi rekla je da bi trebalo jer šta ako ne uspije kao sportista ? Kobi joj se zahvalio na odgovoru te je rekao kako je u dilemi jer narednog dana treba odlučiti da li da ide na koledž ili da potpiše za Lejkerse.

Malenu Ejmi Kobi poslušao nije a sve ostalo je istorija.

Ejmi je danas profesorica. Svojim učenicima redovno priča ovu priču. Kod sebe ima i novine koje joj je dao i potpisao tada anonimus a kasnije legenda, Kobi Brajant.