Tibor Benedek

Vijest o smrti legendarnog mađarskog vaterpoliste Tibora Benedeka potresla je svijet vaterpola, a jedan od najboljih šutera u istoriji tog sporta, Aleksandar Šapić, na svom Fejsbuk profilu emotivnom objavom oprostio se od jednog od najvećih ikad.

''Tibor je bio čovjek protiv kojeg sam igrao skoro 15 godina. On ljevoruk, uvijek je bio preko puta mene i imali smo direktnih duela na hiljade. Kako u našim nacionalnim selekcijama, tako i u različitim klubovima gdje smo jedan protiv drugog igrali. Tibor je bio jedini vaterpolista kojem sam se istinski divio, koga sam na neki čudan način volio i poštovao i koji je bio jedan od najvećih pokretača i motiva mog fanatičnog rada i spartanskog vaterpolo života, koji sam kroz svoju karijeru vodio'', napisao je između ostalog Šapić na Fejsbuku.